spoon

Recent Recipes

KAMPUNG BETAWI ORA

Foto Saya
KAMPUNG BETAWI ORA
Tarumajaya, Bekasi, Jawa Barat, Indonesia
Selain untuk berbagi informasi mengenai segala hal yang berhubungan dengan betawi, ini juga adalah tempat untuk menjalin silaturahmi dan menggalang kebersamaan bagi saudara-saudara dari betawi khususnya. Terbuka juga untuk umum bila ingin memberikan saran dan komentar yang positif dan membangun. Di Kampung ini, semua orang boleh memberi saran dan kritik. Dengan syarat : harus positif dan membangun. Karena tujuan dibuatnya kampung ini yaitu untuk menambah pengetahuan tentang Betawi dan menggalang kebersamaan serta menjalin silaturahmi dengan sebanyak-banyaknya orang. Jadi, Nyo ah, kita pada rempug...
View my complete profile

SAMBUTAN

2

Posted on Senin, 22 Februari 2010 | By: KAMPUNG BETAWI ORA

Category :






Assalamu’alaikum Warahmatullahi Wabarakaatuh,

Apa kabar Sodara-sodara ? Baek ? Alhamdulillah...
Sebelonnya Kampung Betawi Ora mohon mahaf nih kalo ada banyak kekurangan di blog ni. Maklumin dah, namanya juga orang, banyak salahnya. Mangkanya dari itu Kampung Betawi Ora juga mengundang sodara semua supaya bisa memberikan masukan nyeng baek-baek buat Kampung Betawi Ora supaya bisa bikin blog ini jadi lebih baek lagi.

Latar belakang ni blog dibikin yaitu lantaran — nyeng kita tau — masih dikiiit bangat blog nyeng ngangkat cerita ama budaya Betawi. Intinya, Kampung Betawi Ora pengen bagi-bagi kepedulian sesama orang Betawi dan mudah-mudahan aja banyak orang Betawi nyeng mao gabung dan bagi-bagi elmunya di sini. Amin.

Buat orang nyeng bukan Betawi juga boleh-boleh aja mampir ke sini, siapa tau kita-kita bisa tuker pikiran dongan arepan mudah-mudahan bisa dapet ilmu nyeng manfaat. Contoh kecilnya, tukar-tukar cerita pekara budaya masing-masing nyeng baek, supaya kita bisa sama-sama melestarikannya.

Tapi sebelonnya, mungkin sodara-sodara bakal nanya-nanya, ngapa nama ni blog dikasih nama Kampung Betawi Ora?
Sebutan Betawi Ora adalah sebutan Orang Betawi Jakarta ke Orang Betawi Bekasi. Dan emang bener, Kampung Betawi Ora tetep ngupas apa-apa nyeng bebau Betawi tapi dengan sedikit tambahan dari apa-apa nyeng ada di Betawi Bekasi.

Nyo ah kita banyakin silaturahmi, biar akur, rempug, banyak temen dan panjang umur. Amin. Nyo nyo nyooooo....

2 komentar:

Anonim said on Senin, 02 Januari, 2012

Pengen banget tau gimana cerita awal istilah "Betawi Ora", dan kenapa namanya "Betawi Ora" :) thx blognya.....
KAMPUNG BETAWI ORA said on Selasa, 18 Juni, 2013

silahken ikutin link ini :
http://kebudayaanindonesia.net/id/culture/1289/bahasa-betawi-jakarta

atawa link ini :
http://id.wikipedia.org/wiki/Batavia

Awalnya mungkin kerna sekedar sebutan orang-orang betawi di wilayah jakarta terhadep orang-orang betawi di luar (sekiter) jakarta, semacem Benteng (tanggerang), Depok ama Bekasi. Dalem hal ini, Kami mewakili orang betawi dari wilayah Bekasi. Contonya dalem penggunaan behasa se'ari-ari. Kata "ora" kami pake sebage pengganti kata "kagak/kage" (tidak = indonesia) nyeng umum dipake di wilayah betawi jakarta, walipuna sebenernya juga ada kata "kagak/kaga" di dalem behasa orang betawi Bekasi. Kata "ora" kapra dipake ama orang-orang betawi Bekasi di wilayah nyeng mingkin deket ama perbatesan wilayah Bekasi ama Kerawang. Behasa nyeng dipake se'ari-ari udah banyak dapet pengaruh dari behasa laen (jawa - cerbon). Bahken ada lebih dari satu atawa dua kampung di wilayah betawi Bekasi nyeng masi make behasa aslinya (jawa). Hal ini dilatar-belakangin ama peristiwa sejarah di masa-masa penjajahan Belanda, kayak contonya peristiwa perebutan wilayah Batavia.

makasih apresiasinya. mohon mahap kalu sumpama ada salah-salah kata ama banyak kekurangan di sini.

Posting Komentar

Bagi'in ke Facebook Sodara

KAMPUNG BETAWI ORA di FACEBOOK